काठमाडौं ,भाद्र २८-नेपालको राजनीतिक यात्रामा नयाँ मोड आएको छ। जेन–जि आन्दोलनपछिको घटनाक्रमले मुलुकलाई अन्तरिम सरकारको दिशामा अघि बढाएको छ।
२०७९ सालको आन्दोलनपश्चात २०८२ भाद्र २७ गते पूर्व प्रधानन्यायाधीश सुशीला कार्कीलाई नेपालकै पहिलो महिला प्रधानमन्त्रीको रूपमा राष्ट्रपतिले नियुक्त गरेका छन्। राष्ट्रपति रामचन्द्र पौडेलले संविधानको धारा ६१ को उपधारा ४ मा टेकेर उनलाई अन्तरिम मन्त्रिपरिषद्को नेतृत्व गर्ने गरी प्रधानमन्त्रीमा नियुक्त गर्दै शपथ ग्रहण गराएका हुन्।
यो नियुक्तिसँगै प्रतिनिधि सभा विघटन गरिएको छ। साथै, मुलुकलाई स्थिरता दिलाउन भन्दै सरकारले संकटकाल घोषणा गरेको छ। अन्तरिम सरकारको नेतृत्वमा मुलुकलाई नयाँ चुनावतर्फ लैजाने तयारी अघि बढाइएको छ।
यसअनुसार संघीय संसदको नयाँ निर्वाचन आगामी २०८३ साल फाल्गुन २१ गते गर्ने निर्णय भएको छ।
यस ऐतिहासिक निर्णयसँगै नेपाल राजनीतिक संक्रमणको अर्को चरणमा प्रवेश गरेको छ। मुलुकको पहिलो महिला प्रधानमन्त्रीको रूपमा सुशीला कार्कीको नेतृत्व कस्तो हुन्छ भन्ने विषयले अब सर्वत्र चासो र अपेक्षा बढाएको छ।
